معروض چاكركمينهلريدركه
بغداد عربناندن شمار عشيرتينك سابق شيخلرى الوب مقدما باشنده بولنان خانهلر ايله كلمش ومذكور خانهلره شيخ نصب اولنمش اولان شيخ عبادهيه سايهٔ احسانوايهٔ حضرت شاهانهدن معاش تخصيص التماسنه دائر تقديم خاكپاى علياى وكالتپناهيلرى قلنان عريضهٔ نندكانهمك وصولندن بحثله مومى اليهك بوندن بويله تعهدى ومطلوب عالى وجهله اداى حسن خدمت ايتمك وامور مأمورهسنده بركونه اويغونسزلغى اكلاشلديغى حالده قطع اولنمق اوزره سال حال اغستوس ابتداسندن اعتباراً مومى اليه ه محلى اموالندن بيك بشيوز غروش معاش تخصيص خصوصنه مساعدةً عالى ارزان بيوريلهرق اقتضاي حالك اجراسى بوكره هامه اراى تفخيم وتعظيم اولان امرنامهٔ سامىٔ وكالتپناهيلرنده اراده وفرمان بيورلمش اولديغندن درحال شيخ مومى اليه نزد چاكرانهمه جلب اولنهرق تعهد سابقى وجهله كماكان ابراز حسن خدمت وصداقت ايتمش وبرموجب ارادهٔ سنيه ماه مرقومدن اعتباراً معاش مذكورك … لازميسنك اعطاسيله … مال … اخذ ايمش طرفنه تنبيه وايما وكيفيت … … دخى با تحذيرات چاكرى اشعار وانبا قلنمش اولمغين اولبابده امرفرمان حضرت ولى الامركدر
في 9 ص سنه 67
A.MKT.UM.43.86
